Avstraliya polisi ölkə tarixində 2,34 ton ağırlığında ən böyük kokain daşınmasının qarşısını alıb.

Qaziler.az bildirir ki, bu barədə dekabrın 2-də SBS News məlumat yayıb.

Dəqiqləşdirilir ki, polis 2,34 ton kokainin Avstraliyaya gətirilməsi cəhdini onun daşındığı qayıq xarab olduqdan sonra dayandıra bilib.

11 kişi və iki yeniyetmədən ibarət qrup həbs edilib.

"Gəmi şübhəli mexaniki nasazlıq səbəbindən K'qari adasının şimal-şərq burnunda ilişib və elə dənizdə çoxsaylı həbslər edilib", - telekanal bildirib.

Polisin bildirdiyinə görə, 40 kq-lıq paketlərdə qablaşdırılan kokainin qara bazar dəyəri təxminən 760 milyon Avstraliya dollarıdır.

QAZİLER.AZ