ABŞ prezidenti Co Baydenin administrasiyası Ukraynanın 2025-ci ildə döyüşə biləcəyini təmin edəcək. Qərbin ukraynalılara dəstəyi dayanmayacaq.
Qaziler.az bildirir ki, RBC-Ukrayna bu barədə ABŞ dövlət katibi Entoni Blinkenin mətbuat konfransında dediklərinə istinadən xəbər verir.
Blinkendən ABŞ-ın yeni seçilmiş prezidenti Donald Trampın administrasiyası ukraynalılara dəstəyi dayandırmaq qərarına gəlsə, Ukraynaya yardımla bağlı Avropa ölkələri arasında konsensusun olub-olmayacağı soruşulub.
O, cavabında xatırladıb ki, Rusiya işğalçılarına qarşı müharibədə Ukraynaya yardımın maliyyələşdirilməsi Konqresdə təkcə demokratlar deyil, həm də respublikaçılar tərəfindən dəstəklənib. Eyni zamanda, Ukraynaya yardım qlobal səylərə əsaslanır; onu 50-dən çox ölkə dəstəkləyir.
O, əmin edib ki, ABŞ və müttəfiqləri yaxın həftələrdə Ukraynaya döyüş sursatı ötürmək, qüvvələri səfərbər etmək, Ukrayna hərbçilərinə təlim keçmək və s. üzərində çalışacaq.
QAZİLER.AZ
