İndoneziyanın Sumatra adasında baş verən qəfil daşqın və torpaq sürüşmələrində 16 nəfərin həyatını itirdiyi, 6 nəfərin isə itkin düşdüyü bildirilib.

Qaziler.az xarici mətbuatına istinadən bildirir ki, İndoneziya Milli Fəlakət Mərkəzinin (BPBD) rəsmisi Juspri M. Nadeak Sumatra adasındakı Karo bölgəsində sel və torpaq sürüşmələrinin baş verdiyini açıqlayıb.

Nadeak leysan yağışların səbəb olduğu torpaq sürüşmələrinin bir çox bölgələrdə evləri uçurduğunu, təsərrüfatların dağıldığını bildirib.

Təbii fəlakətlərdə 16 nəfərin həyatını itirdiyini bildirən Nadeak, ikisi uşaq olan 6 nəfərdən xəbər olmadığını bildirib.

Nadeak axtarış-xilasetmə işlərinin davam etdiyini bildirib.

Səlahiyyətlilər təbii fəlakətlər nəticəsində onlarla insanın xəsarət aldığını açıqlayıb.

QAZİLER.AZ