Macarıstan hava hücumundan müdafiə sistemlərini ölkənin şimal-şərqində, Ukrayna ilə sərhədə yaxın ərazidə yerləşdirəcək.

Qaziler.az “NEWS.ru”ya istinadla xəbər verir ki, bu barədə ölkənin müdafiə naziri Kristof Szalay-Bobrovniskiy feysbuk səhifəsində məlumat verib.

Bildirilib ki, Macarıstan bu qərarı Ukraynanın Rusiya ərazisinə zərbələr endirmək üçün Amerikanın ATACMS raketlərindən istifadə etməsi fonunda münaqişənin genişlənməsi təhlükəsi ilə izah edib.

“Bütün ssenarilərə hazırlaşmaq üçün yeni alınmış hava hərəkətinə nəzarət və hava hücumundan müdafiə sistemlərinin şimal-şərqdə quraşdırılmasını əmr etdim.Ukrayna və Rusiya arasında müharibənin eskalasiya təhlükəsi həmişəkindən daha böyükdür”, - nazir bildirib.

QAZİLER.AZ