ABŞ hakimiyyəti Rusiya qoşunlarının dəyişdirilmiş taktikasına cavab olaraq Ukraynanı piyada əleyhinə minalarla təmin edir.

Qaziler.az “RİA Novosti”yə istinadla bildirir ki, bunu Pentaqon rəhbəri Lloyd Ostin açıqlamasında deyib.

ABŞ hərbi komandirinin sözlərinə görə, rus qoşunları artıq mexanikləşdirilmiş qüvvələrlə hücuma keçmir, ilk növbədə piyada bölmələrindən istifadə edirlər. O vurğuladı ki, əsgərlər “texnika üçün yolları təmizləmək” tapşırıqlarını yerinə yetirirlər.

Ostin Ukraynanın özünün piyada əleyhinə minaların istehsalı ilə məşğul olduğuna diqqət çəkib. O, əlavə edib ki, ABŞ-ın tədarük etdiyi minalar öz-özünə məhvetmə xüsusiyyətinə malik olduğundan daha təhlükəsizdir.

“Bizim diqqətimiz onların ehtiyaclarını ödəməkdir və onlar bu minaları tələb ediblər. Hesab edirəm ki, onların tədarükü düzgün qərardır”, - deyə ABŞ Müdafiə naziri açıqlamasını yekunlaşdırıb.

QAZİLER.AZ