İran Xarici İşlər Nazirliyinin sözçüsü İsmayıl Bəqayi Tehranın ABŞ-ın yeni seçilmiş prezidenti Donald Trampa sui-qəsd cəhdlərində əli olması ilə bağlı bəyanatı əsassız adlandırıb.

QAZÍLER.AZ  Publika.az-a istinaden  xəbər ki, noyabrın 8-də ABŞ Ədliyyə Nazirliyi İran İslam İnqilabı Keşikçiləri Korpusunun (SEPAH) Donald Trampa sui-qəsd cəhdinin hazırlanmasında iştirak etdiyini açıqlayıb.

İran Xarici İşlər Nazirliyinin sözçüsü İsmayıl Bəqayi ABŞ-ın keçmiş və indiki məmurlarının məhv edilməsi cəhdlərində İranın iştirakı ilə bağlı ittihamları qəti şəkildə rədd edib.

Onun sözlərinə görə, əvvəllər də oxşar ittihamlar səslənib, lakin Tehran onları rədd edib və bunun yalan olduğunu sübut edib.

Bəqayi vurğulayıb ki, indiki mərhələdə bu cür bəyanatların təkrarlanması “sionist və anti-İran dairələri” tərəfindən təşkil edilmiş və ABŞ və İran arasında münasibətləri daha da çətinləşdirməyə yönəlmiş zərərli plandır.

Xatırladaq ki, ABŞ-da prezident seçkiləri noyabrın 5-də keçirilib. Bu vəzifə üçün Demokratlar Partiyasının namizədi Kamala Harris və Respublikaçılar Partiyasının nümayəndəsi Donald Tramp mübarizə aparıb. Qələbə qazanmaq üçün siyasətçilərdən biri ən azı 270 seçici səsini toplamalı idi. Tramp seçkilərdə 295 səs toplayıb.

ABŞ-ın 7-ci prezidentinin andiçmə mərasimi 2025-ci il yanvarın 20-də baş tutacaq.