ABŞ-ın yeni seçilmiş prezidenti Donald Tramp öz administrasiyasında övladlarını yenidən vəzifələrə təyin etməyi planlaşdırmır.

Qaziler.az xəbər verir ki, bu barədə “NBC News” məlumat yayıb.

Tramp bildirib ki, ilk prezidentlik müddətindən fərqli olaraq, bu dəfə qızı İvanka Tramp və kürəkəni Jared Kuşnerin mühüm məsləhətçi rollarını icra etməyəcəklər. Yəni, Trampın övladları yeni administrasiyada olmayacaq.

Xəbərdə yeni prezidentin övladlarının dövlət qulluğunda iştirakının ailə üçün çətin imtahana çevrildiyi qeyd edilib.

Qeyd edək ki, ABŞ prezidentinin andiçmə mərasimi 2025-ci il yanvarın 20-də Vaşinqtondakı Kapitolidə baş tutacaq.

QAZİLER.AZ