Çin respublikaçı Donald Trampı ABŞ-da prezident seçkilərində qələbəsi münasibətilə təbrik edib.

Qaziler.az “NEWS.ru”ya istinadla xəbər verir ki, bu barədə Çin Xarici İşlər Nazirliyinin mətbuat xidməti məlumat yayıb. Departament Pekinin Amerika seçkilərinin dərc olunmuş nəticələrini necə qiymətləndirdiyi sualına belə cavab verib.

“Biz Amerika xalqının seçiminə hörmət edirik və cənab Trampı Birləşmiş Ştatların prezidenti seçilməsi münasibətilə təbrik edirik”, - deyə departamentin saytında yerləşdirilən bəyanatda deyilir.

Trampı ilk təbrik edənlərdən biri də İsrailin baş naziri Binyamin Netanyahu olub. O, siyasətçinin Ağ Evə qayıtmasını “tarixi” adlandırıb.

QAZİLER.AZ