Cekson və Sinatra ilə işləyən prodüser Kuinsi Cons vəfat edir

Amerikalı musiqiçi və prodüser Kuinsi Cons 92 yaşında vəfat edib.

Qaziler.az bildirir ki, bu barədə noyabrın 4-də "New York Times" (NYT) məlumat yayıb.

“Onun ölümü səbəbini açıqlamayan publisist Arnold Robinsonun verdiyi açıqlamada təsdiqlənib. Bəyanatda bildirilir ki, o, Bel Airdəki evində dinc şəkildə dünyasını dəyişib”, – jurnalistlər yazıb.

Nəşrin məlumatına görə, musiqiçi bir gün əvvəl dünyasını dəyişib.

Consun musiqisi  ən prestijli mükafatlarından biri olan Qremmi də daxil olmaqla çoxsaylı mükafatlar alıb. Cons 28 qalib və 80 dəfə namizəd göstərilməklə dünyanın üçüncü ən çox Qremmi qazanan insanı oldu.

O, dünyada ən çox satılan musiqi albomunun - Maykl Ceksonun "Triller"inin prodüseri olub və Rey Çarlz, Frank Sinatra, Areta Franklin, Dinah Vaşinqtonla əməkdaşlıq edib.

QAZİLER.AZ