Livanın "Hizbullah" hərəkatının döyüşçüləri Təl-Əvivin cənub-şərqində İsrail ordusunun xüsusi təyinatlı qüvvələrinin təlim bazasına raket hücumu edildiyini bildiriblər.

Qaziler.az RİA Novosti-yə istinadən xəbər verir ki, bu barədə hərəkatın mətbuat xidməti məlumat yayıb.

“İslam müqavimət döyüşçüləri Təl-Əvivin cənub-şərqində yerləşən “Adam” xüsusi təyinatlı qüvvələrinin təlim bazasına dəqiq raket zərbəsi endiriblər”, - bəyanatda deyilir.

Oktyabrın 29-da İsrail Livanın şərqinə genişmiqyaslı hava hücumu həyata keçirib.

Livanın xilasetmə xidmətindəki mənbə 18 yaşayış məntəqəsinin hücuma məruz qaldığını bildirib.

QAZİLER.AZ