Xorvatiya potensial münaqişə vəziyyətində lazımi kadr ehtiyatını yaratmaq üçün həqiqi hərbi xidmətə çağırışı yenidən tətbiq edir.

Qaziler.az xarici mətbuata istinadən bildirir ki, bu barədə oktyabrın 30-da ölkə prezidenti Zoran Milanoviç məlumat verib.

“Bizim ehtiyatımız yaşlı insanlardan ibarətdir - orta hesabla bu insanların təxminən 50 yaşı var. İnsanlarsız, əsgərsiz ordu yoxdur. Bunu ən yaxşı bu gün Ukraynada görmək olar. Və buna görə də biz məcburi hərbi xidmətin bərpası haqqında danışmalıyıq”, - deyə Milanoviç dövlət başçısının saytında bildirib.

Bundan başqa, o əlavə edib ki, “Leopard” tankları və “Rafale” qırıcıları insanların olmadığı yerdə ölkə üçün xüsusi rol oynamır. O, həmçinin qeyd edib ki, ehtiyata qoşulmaq üçün kişilər xidmətə həvəsləndirilməli və müvafiq təhsil almalıdırlar.

QAZİLER.AZ