Avstraliyalı memar və “WikiLeaks”in qurucusu Culian Assanjın atası Con Şipton keçirdiyi mətbuat konfransında Avropa İttifaqının tənəzzülə uğradığını və bunun danılmaz bir fakt olduğunu bildirib.

Qaziler.az bu barədə “NEWS.ru”ya istinadla xəbər verir. Onun fikrincə, Avropa əhalisi qorxudan həqiqəti onlardan gizlədən liderləri gec-tez tərk edəcək.

"İndi baş verənlərin hamısı cəfəngiyyatdır. AB tənəzzüldədir. Burada hətta mübahisə edəcək bir şey də yoxdur. Almaniyada ÜDM çox aşağı düşür. Bu, iqtisadi tənəzzüldür. Ancaq əvvəllər o, irəliləyirdi. Bu gün hakimiyyət baş verənləri gizlədir. Əhalinin belə bir hökumətdən imtina edəcəyindən qorxaraq bunu gizli saxlayırlar, senzura tətbiq edilir”, - Şipton vurğulayıb.

Xatırladaq ki, iyun ayında Culian Assanj Belmarş həbsxanasından azad edilib və Böyük Britaniyanı tərk edib.

QAZİLER.AZ