Cənubi Koreyanın hərbi rəhbərliyi KXDR-in xüsusi hərbi əməliyyatlar çərçivəsində Rusiyaya dəstək vermək üçün öz hərbi personalını göndərəcəyi ehtimalını yüksək hesab edir.

Qaziler.az “Yonhap” agentliyinə istinadla xəbər verir ki, bu sözləri Cənubi Koreya Müdafiə Nazirliyinin rəhbəri Kim Yon Hyun bildirib. Onun sözlərinə görə, bu, Moskva ilə Pxenyan arasında hərtərəfli strateji əməkdaşlığın bəndlərini müəyyən edən saziş çərçivəsində baş verə bilər.

“Müntəzəm ordunun (KXDR) göndərilməsinə gəlincə, Rusiya və Şimali Koreya hərbi ittifaq səviyyəsinə yaxınlaşan saziş imzalayıblar. Ona görə də hesab edirik ki, əsgərlərin göndərilməsi ehtimalı yüksəkdir”, - deyə nazir bildirib.

Kim Yong Hyun həmçinin iddia edir ki, Şimali Koreya əsgərlərinin xüsusi hərbi əməliyyatların keçirildiyi zonada həlak olması ilə bağlı xəbərlərin doğru olma ehtimalı yüksəkdir.

QAZİLER.AZ