Alimlər Beynəlxalq Xərçəng Araşdırmaları Agentliyi (IARC) ilə birlikdə araşdırma aparıblar və onun nəticələrinə görə, tütün məmulatlarının satışına qadağa qoyulmasının təxminən 1,2 milyon insanın həyatını xilas edə biləcəyi məlum olub.

Qaziler.az bildirir ki, bu barədə “The Lancet Public Health” elmi jurnalı yazır.

Tədqiqat üçün ekspertlər 2006-2010-cu illər arasında doğulmuş insanlar üçün tütün satışının qadağan olunduğu bir ssenari təklif ediblər.

Məqalədə deyilir: “Əgər xəstələnmə nisbətləri son 15 ildə müşahidə olunan tendensiyaları izləməyə davam edərsə qlobal miqyasda, 2006-2010-cu illərdə doğulmuş əhali arasında ağciyər xərçəngindən 2 milyon 951 min 400 ölüm halının baş verə biləcəyi proqnozlaşdırılır”.

1 842 900 (62,4%) ölüm halının kişilər, 1 108 500 (37,6%) isə qadınlar arasında baş verəcəyi proqnozlaşdırılır. O, həmçinin qeyd edir ki, 2006-2010-cu illərdə doğulmuş insanlar arasında ağciyər xərçəngindən ölüm hallarının 1,186,500-ü (40,2%) tütünün ləğvinə nail olunsaydı (yəni “tütünsüz nəsil” konsepsiyası) qarşısı alına bilərdi.

Tədqiqatçılar Ümumdünya Səhiyyə Təşkilatının (ÜST) 82 ölkə üçün topladığı ağciyər xərçəngindən ölüm məlumatlarından istifadə ediblər.

Tədqiqatçılar qeyd edirlər ki, xüsusən də vəziyyətin qeyri-sabit olduğu aşağı və orta gəlirli ölkələrdə “tütündən azad nəsil” kimi tədbirlər milyonlarla insanın ömrünü uzada bilər.

QAZİLER.AZ