Somalinin paytaxtı Moqadişuda baş verən hücumda azı 15 nəfər həyatını itirib. APA TV-nin məlumatına görə, olay hökumət üzvlərinin qaldığı bir hoteldə qeydə alınıb.

İçində bomba olan iki maşın əvvəlcə hotelə çırpılıb. Daha sonra silahlı şəxslər hotelə hücum edərək, qarşılarına çıxanlara atəş açıblar. Hücumu "al-Qaida" ilə bağlantısı olan "aş-Şabab" təşkilatı öz üzərinə götürüb.

Məlumata görə, hotelə hücumda ölənlər arasında hotelin sahibi, millət vəkilləri və yüksək rütbəli zabitlər olub. Hücumdan sonra terror təşkilatı üzvləri ilə Somali polisi arasında qarşıdurma olub.