Türkiyə mətbuatında hələ ekspert rəyi səviyyəsində daha bir maraqlı “sızma” olub.

QAZÌLER.AZ  Publika.az-a istinaden xəbər verir ki, türkiyəli politoloq Serhat Lətifoğlu Türkiyənin yaxın illərdə NATO-dan çıxacağını açıqlayıb. Üstəlik, bu prosesi həyata keçirmək üçün iki prosedur var. Türkiyəli analitikin bu açıqlaması Türkiyənin BRİKS-ə qoşulmaq üçün ərizə verdiyini rəsmi şəkildə elan etməsi onunda verilib.

Lətifoğlu qətiyyətlə bəyan edir ki, Türkiyə BRİKS-ə mütləq qoşulacaq və alyansın üzvü olan ölkənin də BRİKS-ə üzv olması NATO üçün görünməmiş bir hadisə olacaq.

Türkiyəli analitik qeyd edir ki, hazırda Ankara üçün düzgün iqtisadi siyasət vacibdir və bu baxımdan ölkənin maraqları ilə BRİKS-in maraqları üst-üstə düşür. Lakin bundan daha çox, türkiyəli analitikin fikrincə, Türkiyənin NATO daxilindəki mövqeyinə baxmaq maraqlıdır.

Bu, əslində müttəfiqlik deyil, alyansın digər üzvləri ilə qarşıdurmada olanın mövqeyidir və yumşaq desək, bəzi əsas məsələlərdə alyansın ümumi yanaşmasından fərqlənən yanaşmadır. Məsələn, Suriya və İraq kimi məsələlər. Bütün bunlar, Serhat Lətifoğlunun əminliyinə görə, yaxın illərdə Türkiyənin NATO-dan çıxmasına gətirib çıxaracaq.

“Bu, mütləq baş verəcək və yaxın gələcəkdə bunun şahidi olacağıq”, - deyə ekspert bildirib.