Keçmiş rusiyalı fiqurlu konkisürən Annabelle Morozova ABŞ bayrağı ilə fotosunu yayımlayıb.
Qaziler.az bildirir ki, o, şəkli İnstaqram səhifəsində paylaşıb.
“Təşəkkür edirəm Lombardia Trophy. Burada çox gözəl xatirələrim var. İrəli və ucalmağa doğru”, - idmançı fotoya şərh yazıb. Cefri Çen ilə buz rəqsi üzrə yarışan Morozova İtaliyada keçirilən “Lombardia Trophy” turnirində ikinci yeri tutub.
Morozova ABŞ-da anadan olub. Onun üç vətəndaşlığı var - Rusiya, Amerika və Fransa. İdmançı 2015-2016-cı illərdə Fransanı, 2017-2023-cü illərdə isə Rusiyanı təmsil edib. 2024-cü ilin may ayında Morozova Rusiya Fiqurlu Konkisürmə Federasiyasından azad edilib və hazırda ABŞ-ı təmsil edir.
QAZİLER.AZ
