Türkiyənin Vergilər İdarəsi nağd ödənişlərin maksimum məbləğinə - 7 min türk lirəsinə (205 dollar) məhdudiyyət tətbiq edən düzəlişlər hazırlayıb.

Qaziler.az xəbər verir ki, bu barədə TASS məlumat yayıb.

Dəyişikliklər qəbul olunarsa, fiziki şəxslər və şirkətlər bu qiymətdən artıq alış-verişlər üçün ödənişi nağdsız üsullarla - kartlar, köçürmələr və ya rəsmi vasitəçilər vasitəsilə həyata keçirməli olacaqlar.

“Qayda pozan ən azı 5 min lirə (146 dollar) və ya alış məbləğinin 10%-ni ödəməli olacaq. Amma istehlakçı 5 gün ərzində vergi xidmətinə məlumat verərsə, cərimə hesablanmayacaq”, - deyə sənəddə qeyd olunur.

Səlahiyyətlilər fiskal orqanlar tərəfindən nəzarət edilməyən kölgə əməliyyatlarının yüksək nisbətini qeyd edirlər. Nağd ödənişlərə qoyulan məhdudiyyətlər maliyyə münasibətlərinin şəffaflığını artıracaq və vergi yığımını optimallaşdıracaq.

QAZİLER.AZ