Vyetnamın şimalını təsir altına alan Yagi qasırğasının yaratdığı fəlakət və qəzalarda həyatını itirənlərin sayı 143-ə yüksəlib.

Qaziler.az xarici mətbuata istinadən bildirir ki, "Vyetnam Plus" saytının xəbərinə görə, fəlakətlə bağlı Fəlakətin Qarşısının Alınması və Nəzarət İdarəsi tərəfindən açıqlama verilib.

Açıqlamada, "Yagi" səbəbiylə yüzlərlə adamın yaralandığı, itkin düşən 58 nəfərin axtarış-xilasetmə işlərinin davam etdiyi bildirilib.

Açıqlamada tayfun nəticəsində həyatını itirənlərin sayının 143-ə yüksəldiyi, zərər çəkən bölgələrə ərzaq yardımının göndəriləcəyi bildirilib.

Vyetnam Baş naziri "Yagi"dən təsirlənən Hayfonq şəhərinə getdi və zərərin ödənilməsi üçün təxminən 4 milyon dollarlıq yardım paketini təsdiqlədi.

QAZİLER.AZ