ABŞ prezidenti Co Bayden sentyabrın 13-də Böyük Britaniyanın baş naziri Keir Starmer ilə görüşəcək. Onlar Ukrayna Silahlı Qüvvələrinin Rusiyanın dərinliklərinə zərbələr endirməsinə icazə verilməsini müzakirə edəcəklər.
RBC-Ukrayna xəbər verir ki, bunu ABŞ dövlət katibi Entoni Blinken Böyük Britaniyanın xarici işlər naziri Devid Lemmi ilə keçirdiyi mətbuat konfransında deyib.
"Bayden cümə günü Britaniyanın baş naziri ilə Rusiya ərazisinə uzaqmənzilli zərbələr endirmək üçün Ukraynaya icazə verilməsini müzakirə edəcək", - Blinken deyib.
Blinken Rusiya Federasiyasının İrandan ballistik raketlər aldığını da təsdiqləyib. O, bir neçə həftə ərzində düşmənin onlardan Ukraynaya qarşı istifadə edəcəyinə inanır.
QAZİLER.AZ
