Moskva vilayətinin Ramenskoye rayonunda pilotsuz təyyarənin yaşayış binasını vurduğu anlar videoya düşüb.

Qaziler.az xəbər verir ki, görüntüləri SHOT “Telegram” kanalı yayıb.

Kanalın verdiyi məlumata görə, hadisə Vısokovoltnaya küçəsində baş verib və bir nəfər xəsarət alıb.

Pilotsuz təyyarə 9-cu mərtəbədəki mənzilə çırpılıb. Zərbənin dalğasından qonşu evin şüşələri sınıb. Hazırda PUA-nın vurulduğu küçədəki hündürmərtəbəli binaların sakinləri təxliyə edilir.

Qeyd olub ki, Moskva vilayətinin Ramenskoye rayonunda pilotsuz təyyarənin hücumu nəticəsində 3 nəfər yaralanıb. Moskva vilayətinin qubernatoru Andrey Vorobyov qeyd edib ki, onların hamısı xəstəxanaya yerləşdirilib. 46 yaşlı qadın isə dünyasını dəyişib. Əvvəlcə doqquz yaşlı bir uşağın ölümü ilə bağlı məlumatlar yayılıb, lakin bu, təsdiqini tapmayıb. Vorobyov vurğulayıb ki, sakinlər binadan təxliyə edilib, onlardan 43 nəfəri müvəqqəti yaşayış məntəqələrinə yerləşdirilib.

QAZİLER.AZ