Kanada Ukraynaya CRV-7 raket mühərriklərinin böyük partiyasını verəcək. Paketə həmçinin 1300 raket başlığı da daxil olacaq.

Qaziler.az bildirir ki, bu barədə RBC-Ukrayna Kanada hökumətinin bəyanatına istinadən məlumat yayıb.

Tədarüklər barədə Kanadanın müdafiə naziri Bill Bleyr Ukraynanın müdafiəsi üzrə Təmas Qrupunun Ramşteyn formatında keçirilən iclasında bildirib.

Partiyaya 80 840 CRV-7 raket mühərriki və onlar üçün 1300 döyüş başlığı daxil olacaq. Onların yaxın aylarda Polşaya göndərilməsinə başlanacaq.

Kanada həmçinin öz ehtiyatından Ukraynaya 970 C6 pulemyotu və 10500 9 mm tapança bağışlayacaq.

QAZİLER.AZ