Yaponiyanın “Nintendo” şirkəti iOS əməliyyat sistemi ilə işləyən mobil telefonlar üçün rəsmi olaraq yeni “Miitomo” oyununu təqdim edib. İKT.lernt.az-ın “vistanews.ru” saytına istinadən məlumatına görə, “Miitomo” oyununun süjeti tanınmış “Sims” kompüter oyunun süjeti ilə eynidir.

Bu oyunda istifadəçi personajı idarə edərək, ona geyim, yemək seçir, trenajor zalına və diskotekaya aparır, yatırdır və s.

İlkin məlumata görə, “Nintendo” bu oyunu pulsuz olaraq iOS və “Android” platformalarında işə salmağı planlaşdırıb. Ancaq bununla belə, əlavə predmetləri istifadəçi pulla almalı olacaq.

Yenilik 2016-cı ilin yaz aylarında “App Store” pnlayn-mağazalarında satışa çıxarılacaq. Oyunun “Android” platformalı telefonlar üçün buraxılacağı tarix isə hələlik məlum deyil.