Hindistanın şimal-qərbində yerləşən Racastan ştatında Hərbi Hava Qüvvələrinə məxsus “MiQ-29” qırıcısı texniki nasazlıq səbəbindən qəzaya uğrayıb.

Qaziler.az bildirir ki, bu barədə Respublika Hərbi Hava Qüvvələri “X” sosial şəbəkəsində məlumat yayıb.

“Barmer sektorunda adi gecə məşqi zamanı Hindistan Hərbi Hava Qüvvələrinə məxsus MiQ-29 təyyarəsi kritik texniki nasazlıqla qarşılaşıb, nəticədə pilot katapult etmək məcburiyyətində qalıb”, - nəşr bildirib.

Qeyd olunur ki, pilot katapult etməyi bacarıb və sağ qalıb. Hadisə ilə bağlı araşdırma aparılır.

Hazırda Hindistan Hərbi Hava Qüvvələri 100-dən çox “MiQ-29”, eləcə də “Su-30MKI” qırıcıları ilə silahlanıb. Onlar Hindistan Hərbi Hava Qüvvələrinin onurğa sütununu təşkil edirlər.

QAZİLER.AZ