Ukrayna Xarici İşlər Nazirliyinin rəsmi nümayəndəsi Georgi Tixiy Vladimir Putinin Monqolustan səfərini Beynəlxalq Cinayət Məhkəməsinə və beynəlxalq cinayət hüququna “ağır zərbə” hesab edərək, Ulan-Batoru nəticələri ilə hədələyib.

Qaziler.az bildirir ki, bu fikirlər onun “X” sosial şəbəkəsindəki səhifəsində yer alıb.

Tixiyin sözlərinə görə, Monqolustanın BCM-nin Rusiya liderinin həbsinə dair orderinə əməl etməkdən imtina etməsi “Beynəlxalq Cinayət Məhkəməsinə və beynəlxalq cinayət hüququ sisteminə ağır zərbədir”.

"Biz Ulan-Batorun bu hərəkətinin nəticələrinin olmasını təmin etmək üçün tərəfdaşlarla işləyəcəyik", - Ukrayna Xarici İşlər Nazirliyinin nümayəndəsi deyib.

Monqolustan Putinin həbsinə order verən Beynəlxalq Cinayət Məhkəməsinin Roma Statutunu imzalayan ölkədir. Moskva BCM-nin yurisdiksiyasını tanımayıb və Monqolustan hakimiyyəti Rusiya prezidentini həbs etməyəcəklərini bəyan edib.

Qeyd edək ki, Putin sentyabrın 2-də Monqolustana rəsmi səfərə gedib.

QAZİLER.AZ