Avropa rəsmiləri hesab edir ki, İran Ukraynada münaqişə başlayandan bəri ilk dəfə olaraq öz ballistik raketlərini yaxın gələcəkdə Rusiyaya ötürməyi planlaşdırır.

Qaziler.az xəbər verir ki, bu barədə “Bloomberg” vəziyyətdən xəbərdar olan mənbələrə istinadən yazır.

Agentliyin həmsöhbətlərinin fikrincə, bu, Moskva və Kiyev arasında davam edən münaqişə fonunda hadisələrin həyəcanverici inkişafı ola bilər. Onlar konkret məlumat verməkdən imtina ediblər, lakin çatdırılmaların yaxın günlərdə başlaya biləcəyi qeyd edilib.

Nəşr qeyd edib ki, Ukraynanın müttəfiqləri və G7 ölkələri İranın Moskvaya raket ötürəcəyi təqdirdə Tehrana qarşı sanksiyaları müzakirə etməyə başlayıb.

QAZİLER.AZ