Çinli tədqiqatçılar Yer kürəsini asteroidlərdən qorumaq üçün nüvə silahından istifadə etməyi təklif ediblər.

Qaziler.az xəbər verir ki, bu barədə “South China Morning Post” yazıb.

Bunun üçün onlar belə silahların və ağır reaktiv daşıyıcıların hazırlanmasını sürətləndirməyə çağırıblar.

Alimlərin fikrincə, təhlükəli yaxınlaşma zamanı böyük kosmik obyektin Yerlə toqquşmasının qarşısını ancaq nüvə silahı ala bilər. Onlar həmçinin iddia edirlər ki, böyük asteroidin planetə dəyməsi riski əvvəllər düşünüldüyündən qat-qat yüksəkdir.

Tədqiqatçılar qeyd ediblər ki, bu günə qədər 30 minə yaxın göy cismi müəyyən edilib, lakin bu, yalnız “aysberqin görünən hissəsi” ola bilər.

Alimlər xəbərdarlıq ediblər ki, Yerə yaxın kosmosda aşkar edilmiş asteroidlərin sayı ilə mövcud asteroidlərin faktiki sayı arasında əhəmiyyətli fərq ola bilər.

QAZİLER.AZ