"Sülh danışıqları aparılmasa, Ukrayna üç yerə parçalana bilər".

QAZÌLER.AZ  Publika.az- a istinaden xəbər verir ki, bunu Yaponiya Xarici İşlər Nazirliyinin Avropa və Asiya Departamentinin keçmiş rəhbəri Kazuhiko Toqo bildirib.

Keçmiş diplomatın fikrincə, belə bir ssenari ABŞ və Böyük Britaniyanın Rusiya Federasiyası ilə Ukrayna ilə bağlı danışıqlardan imtina etməsi səbəbindən mümkündür.

“Növbəti üç ayda Rusiya bacardığı qədər irəli gedə, bacardığı qədər götürə və Ukraynanın Bayden, Harris və ya Trampın dövründə yenidən yüksəlməyəcəyinə əmin ola bilər”, - o qeyd edib.

Toqonun fikrincə, o zaman Ukrayna üç hissəyə parçalana bilər: şərq hissəsi Rusiya Federasiyasına , qərb hissəsi Qərbi Avropaya gedəcək və ortada Kiyevlə kiçik Ukrayna olacaq.

Onun fikrincə, Ukrayna və Qərb ölkələri Rusiya prezidenti Vladimir Putinin iyunun ortalarında səsləndirdiyi sülh təkliflərinə məhəl qoymalıdırlar. Keçmiş diplomat qeyd edib ki, bu təkliflər artıq Rusiya dövlət başçısının amerikalı jurnalist Taker Karlsona müsahibəsində dediyi təkliflərdən daha sərtdir.

“Putin bu sülh təklifləri ilə çıxış edir, lakin Bayden və Zelenski deyirlər ki, müzakirə olunacaq heç nə yoxdur və Ukraynanın məqsədi 1991-ci il sərhədləridir. Bu, absurddur, çünki Ukraynanın özü, demək olar ki, İstanbul razılaşmalarından imtina edib”, - Toqo vurğuıatıb.

O qeyd edib ki, Moskvanın sülh təkliflərinə ciddi yanaşmaq lazımdır. İndi sülh danışıqlarına başlamaq şansı var.

“Əgər söhbət Ukraynanın üç hissəyə bölünməsindən gedirsə, o zaman mövcud vəziyyət və şərtlər şirin yuxu kimi görünəcək”, o əlavə edib.