Ötən gün İstanbulda İŞİD terror təşkilatına qarşı əməliyyat keçirilib. APA TV-nin məlumatına görə, İstanbulun 3 fərqli bölgəsində keçirilən əməliyyatlar zamanı 21 nəfər saxlanılıb.

Helikopterlərin havadan dəstək verdiyi əməliyyata xüsusi təyinatlı polis qüvvələri cəlb olunub. İstanbulda 3 məscidi də əhatə edən əməliyyatda terror təşkilatına aid çoxlu sayda kitab və video disklər ələ keçirilib.

Türkiyə Daxili İşlər Nazirliyindən verilən məlumata görə, əməliyyat zamanı saxlanılan 21 nəfərdən 7-si uşaqdır. Həmin uşaqlar polisin uşaqlarla iş şöbəsinə təslim edilib. Digər 14 nəfər isə istintaqa cəlb olunub.