“ABŞ Fələstinin HƏMAS hərəkatının Siyasi Bürosunun rəhbəri İsmayıl Haniyənin qətlində əli olmaya bilər”

Qaziler.az xəbər verir ki, bu sözləri Rusiya Dövlət Dumasının Beynəlxalq Əlaqələr Komitəsinin sədrinin birinci müavini Aleksey Çepa “NEWS.ru” ilə söhbətində deyib. Parlamentari qeyd edib ki, MOSSAD demək olar ki, həmişə bütün fəaliyyətlərini Mərkəzi Kəşfiyyat İdarəsi ilə (CİA) əlaqələndirmir. Eyni zamanda, deputatın sözlərinə görə, hər iki struktur daim məlumat mübadiləsi aparır.

“Mühakimə etmək çətindir. Aydın məsələdir ki, MOSSAD heç də həmişə bütün hərəkətlərini Mərkəzi Kəşfiyyat İdarəsi ilə əlaqələndirmir. Əslində nə baş verdiyini, bu əməliyyatdan kimin xəbəri olub-olmadığını təxmin etmək çətindir. Ancaq bu strukturların həmişə məlumat mübadiləsi apardıqları dəqiqdir”, - Çepa izah edib.

Qeyd edək ki, HƏMAS lideri Haniyə İranın paytaxtı Tehranda atəşə tutulub. Zərbə birbaşa onun iqamətgahına dəyib. Siyasi Büro rəhbərinin mühafizəçilərindən biri də dünyasını dəyişib. Fələstin hərəkatının nümayəndələri Haniyənin ölümünü rəsmən təsdiqləyib və onun ölümündə İsraili günahlandırıblar.

QAZİLER.AZ