Almaniyanın Ratzeburq şəhərində Netto endirim mağazasının damı uçub.

Qaziler.az bildirir ki, bu barədə iyulun 30-da Lübecker Nachrichten məlumat verib.

Nəşrin məlumatına görə, hadisə nəticəsində iki nəfər xəstəxanaya yerləşdirilib. Xilasedicilər mümkün xəsarət alanların yerini müəyyən etmək üçün termal görüntüləmə kamerası ilə təchiz edilmiş drondan istifadə edib.

Hadisə yerində xilasedici helikopter də olub.

Xilasetmə şirkətinin əməkdaşı Martin von Holtenin daha sonra verdiyi məlumata görə, 14 nəfər xəsarət alıb, lakin ciddi xəsarət alan olmayıb. İnsanlar bir neçə saniyə ərzində təhlükəsiz əraziyə çata biliblər.

Onlara ərzaq mağazalarının rəflərinin uçan tavanı dəstəkləməsi kömək edib.

QAZİLER.AZ