İsrailin Livanın paytaxtı Beyrut şəhərinin cənub ətrafına endirdiyi zərbələr nəticəsində 1 nəfər ölüb, 7 nəfər yaralanıb.

Qaziler.az bildirir ki, bu barədə iyulun 30-da "Reuters" agentliyi məlumat yayıb.

Qeyd edək ki, ötən gün İsrail Müdafiə Qüvvələrinin Beyrutda Livanın "Hizbullah" hərəkatının hədəflərinə zərbələr endirdiyi bildirilib.

İsrail ordusundan verilən yazılı açıqlamada isə Colan təpələrində yerləşən "Məcdel Şəms" bölgəsinin vurulmasından məsul olduğu iddia edilən bir “Hizbullah” komandirinin hədəf alındığı bildirilib. 

İsrail Hərbi Hava Qüvvələrinə məxsus təyyarələr şəhərin cənubundakı hədəflərə dörd raket zərbəsi endirib.

QAZİLER.AZ