Parisdə Olimpiadanın açılış mərasimi nifrətə layiqdir.

Qaziler.az “RİA Novosti”yə istinadla xəbər verir ki, bunu Yunan Pravoslav Kilsəsinin rəhbəri, Afina və bütün Yunanıstanın arxiyepiskopu İeronim deyib.

O, hadisə ilə bağlı başqa dəyərləndirmə verməyib. Mərasim iyulun 26-da Fransanın paytaxtında keçirilib və təxribat xarakterli çıxışlara görə çoxsaylı mübahisələrə səbəb olub.

“Bütün bunlar mütləq nifrətə layiqdir”, - deyə İeronim jurnalistlərlə söhbətində vurğulayıb.

Yunan mətbuatı yazıb ki, Oyunların açılış mərasimi “Qərbi Avropada sivilizasiyanın və xristian mədəniyyətinin süqutunu” nümayiş etdirib. Analitiklər bu fikri şənbə günü təqdim olunan rəqəmlərdə transgenderlərin iştirakı fonunda bildiriblər.

QAZİLER.AZ