Rusiya əhalisinin yarıdan çoxu internetdə öz şəkillərini yerləşdirmirlər.

İKT.lent.az-ın “Komsomolskaya Pravda”ya istinadən xəbərinə görə, “Ledada-Sentr” sorğu mərkəzinin oktyabr ayında keçirdiyi sosioloji sorğunun nəticələrindən bunu göstərir.

Aparılan sorğuda məlum olub ki, rusiyalıların əksəriyyəti “selfimaniya”ya tutulmayıb. Onlardan ancaq 6 faizi həftədə bir dəfədən az olmayaraq avtoportretlər edirlər.

Sorğu Rusiyanın 46 regionunun 134 yaşayış məntəqəsində 1 600 nəfər arasında keçirilib. Respondentlərin 73 faizi heç bir zaman mobil telefonla öz şəkillərini çəkməyiblər. 12 faiz həftədə bir dəfədən gec olmayaraq “selfi” çəkdirir. Respondentlərin 9 faizi isə ayda bir neçə dəfə “selfi” çəkdirir.

Bununla belə, rusiyalıların 60 faizi öz şəkillərini telefonla çəkir. Xüsusilə 18-24 yaşlı respondentlər bu sahədə fəallıq edir. Onlardan 8 faizi etiraf edib ki, gündəlik olaraq bunu bir neçə dəfə edirlər. 38 faizi isə həftədə bir neçə dəfə telefonla şəkil çəkdirir. Onlar mütəmadi olaraq "selfi" edir və öz şəkillərini sosial şəbəkələrdə yerləşdirirlər.

Sorğunun nəticələri göstərib ki, respondentlərin 59 faizi özlərinin çəkdiyi şəkilləri sosial şəbəkələrdə və internet saytlarında yerləşdirmirlər.