SSRİ-nin hər yerindən təhlükəli tullantıların daşındığı Leninqrad vilayətindəki “Krasnıy Bor” poliqonunda ətraf mühitə yığılmış zərərin aradan qaldırılması 60% başa çatıb.

Qaziler.az “NEWS.ru”ya istinadla xəbər verir ki, bunu Rusiyanın Baş nazirinin müavini Dmitri Patruşev bildirib. Hökumətin mətbuat xidmətindən bildirilib ki, işlər daha bir neçə il davam edəcək.

“Hazırda onun (Krasnıy Bor poliqonunun) rekultivasiyası 60% tamamlanıb. Və təbii ki, bu obyekt artıq insanlar və ətraf mühit üçün əvvəlki kimi təhlükə yaratmır”, - deyə baş nazirin müavini vurğulayıb.

Qeyd olunub ki, hökumət ölkədəki ən mürəkkəb obyektlərin ləğvi üçün 47 milyard rubl vəsait ayırıb. 2025-2028-ci illər ərzində əlavə olaraq daha 46 milyard vəsaitin ayrılması gözlənilir.

QAZİLER.AZ