Donald Tramp ABŞ-ın prezidenti seçilərsə, telefon danışığı ilə gücünü nümayiş etdirə və Rusiyanın Ukraynaya qarşı müharibəsini bitirə bilər.

RBC-Ukrayna ABC News-a istinadən xəbər verir ki, bunu ABŞ Nümayəndələr Palatasının spikeri Mayk Conson deyib.

"Mən çox əminəm ki, prezident Tramp bu münaqişəni sona çatdıra biləcək, çünki o, güc nümayiş etdirəcək. Biz sülhü güclə saxlayırıq. Bayden administrasiyasının üç il yarım ərzində bizdə belə bir şey olmayıb. Hər şey tam əksinə id", - dedi.

 Conson Trampın onun administrasiyası dövründə Rusiyanın Ukraynaya təcavüz etmədiyi barədə bəyanatını xatırladıb. "Bizim İsraildə münaqişəmiz, indiki kimi İsraildə müharibəmiz olmadı. Çünki İran Baydenin dövründə gücləndi. Bizdə Çin indiki dünyada olduğu kimi təxribat xarakterli hərəkət etməmişdi".

"Prezident Trampın telefonu götürüb bütün dünya üzrə düşmənlərinə təhdidlər və tələblər irəli sürmək qabiliyyəti var, çünki onlar hansısa şəkildə ondan qorxurlar. Bunun real dəyəri var", - Conson deyib.

QAZİLER.AZ