Səudiyyə şahzadəsi Livanda 2 ton narkotik vasitə ilə tutulub. APA TV-nin türk mətbuatına istinadən məlumatına görə, paytaxt Beyrutdakı Refik Hariri Beynəlxalq Hava Limanında şahzadəyə aid özəl bir qırıcı təyyarədə 2 ton narkotik maddə aşkarlanıb.

Livan polisi şahzadə Abdül Muhsin Bin Velid Bin Abdülaziz ilə birgə dörd Ərəbistan vətəndaşını həbs edib. Livanın xəbər agentliyi NNA təhlükəsizlik qüvvələrinə istinadən xəbər verir ki, polis bir Körfəz ölkəsindən gələn təyyarədə əməliyyat keçirib.

Səudiyyə Ərəbistanına uçması planlaşdırılan təyyarədə aparılan araşdırma zamanı 40 bağlamada qablaşdırılmış narkotik vasitə olan 2 ton "amfetamin" tapılıb. Bu qədər narkotik maddə sözü gedən hava limanında ilk dəfədir aşkarlanır.