“Rusiya ilə son əsir mübadiləsi zamanı sərhədçilər və Milli Qvardiyanın üzvləri də daxil olmaqla 95 əsgər Ukraynaya qayıdıb”.

Qaziler.az xəbər verir ki, bunu Ukrayna prezidenti Volodimir Zelenski teleqram kanalında bildirib. O, həmçinin hərbçilərin xilas edilməsində iştirak edən komandaya və Birləşmiş Ərəb Əmirliklərinə vasitəçilik etdiyinə görə minnətdarlığını bildirib.

Ukrayna lideri vurğulayıb ki, Kiyev nə qədər çətin olsa da, hamını öz vətəninə qaytarmaq niyyətindədir.

“Həmvətənlərimizi evlərinə qaytarmağa davam edirik. Daha 95 müdafiəçi rus əsirliyindən azad edilib. Bunlar Ukrayna Silahlı Qüvvələrinin, Milli Qvardiyanın və sərhədçilərin əsgərləridir. Mübadilələrdə iştirak edən komandamıza və bu buraxılışda vasitəçilik etdiyi üçün Birləşmiş Ərəb Əmirliklərinə minnətdaram”, - Zelenski bildirib.

QAZİLER.AZ