Yay tətilinin pik mövsümündə Avropada turistlərin tətilləri hava hərəkəti dispetçerlərinin çatışmazlığı səbəbindən rekord sayda gecikmə və ya ləğv edilən reyslərlə nəticələnə bilər.

Qaziler.az xəbər verir ki, bu haqda “Ryanair DAC”ın baş icraçı direktoru Eddi Uilson “The Independent”ə bildirib ki, hava hərəkətinə nəzarət koronavirus pandemiyasından sonra hələ də böyük böhranla üz-üzədir.  Pandemiyadan əvvəl hava hərəkətinə nəzarət Avropa üzrə ümumi uçuş gecikmələrinin 5%-dən azını təşkil edirdi, indi onların payı bəzən 30%-ə çatır.

"Covid-dən sonra vəziyyət daha da pisləşdi. Yay mövsümünün ilk iki həftəsi, aprel və may ayları olduqca yaxşı keçdi. 10%-dən az idi, ona görə də öhdəsindən gələ bildik. Amma son 10 gündə təşkilat və ya işçi heyəti ilə əlaqədar olaraq, nəsə baş verdi. Biz digər aviaşirkətlər kimi, hava hərəkətinə nəzarət üçün kənardan gələn gecikmələrin 30% -ni həll etdik", - Uilson deyib.

QAZİLER.AZ