Yayda Almaniya gizli şəkildə Ukraynaya ağır zirehli maşınların da daxil olduğu nəhəng hərbi yardım göndərməyə başladı.

Bu barədə RBC-Ukrayna Merkur-a istinadən xəbər verir.

Nəşrin yazdığına görə, Almaniya iyunun sonu - iyulun əvvəlində demək olar ki, gizli şəkildə Kiyevə Ukrayna Silahlı Qüvvələri üçün növbəti nəhəng hərbi paket göndərib. Buraya Alman müdafiə sənayesi və Bundesver tərəfindən təchiz edilmiş 39 tank daxildir.

Ötən həftə Ukrayna Almaniyadan daha on "Leopard 1A5" döyüş tankı və iyirmi "Marder" piyada döyüş maşını alıb. Beləliklə, Almaniyanın Ukrayna müharibəsi üçün verdiyi “Marder” tanklarının sayı 120-yə, təmir olunmuş “Leopard 1”lərin sayı isə 50-yə çatıb.

“Leopard 1” və “Marder” üçün döyüş sursatı ilə yanaşı, Ukrayna ordusunun arsenalına iki “Biber” körpüdöymə tankı, iki “Dachs” mühəndis tankı, iki evakuasiya tankı və dörd “Wisent 1” mina təmizləmə tankı əlavə edilib.

Almaniya həmçinin mühüm infrastrukturu və şəhərləri Rusiyanın hava hücumlarından qorumaq üçün başqa IRIS-T SLM hava hücumundan müdafiə sistemi (əvvəllər üç) və digər IRIS-T SLS hava hücumundan müdafiə sistemi (əvvəllər bir) təchiz edib.

Təslim edilən silahların siyahısında üç HIMARS raket sistemi də var. 

QAZİLER.AZ