Hindistanın Qucarat əyalətində 60 sərnişini daşıyan turist avtobusu dərəyə aşıb.
Qaziler.az bildirir ki, avtobusun içərisindən təsadüfən lentə alınan videonu The Sun nəşri yayıb.
Kadrlarda avtomobilin yol boyu ağacların arasında yüksək sürətlə necə keçdiyi və döngədə uçurumdan düşdüyü görünür. Sürücünün idarəetməni itirdiyi məlum olub.
Nəticədə 20 nəfər xəsarət alıb, iki uşaq isə dünyasını dəyişib.
Xatırladaq ki, iyulun əvvəlində Türkiyənin Antalya şəhərində rusiyalı və belaruslu turistləri daşıyan avtobus qəzaya uğrayıb. Qəza nəticəsində uşaqlar da daxil olmaqla onlarla insan xəsarət alıb.
QAZİLER.AZ
