Kanadada xilasedicilər ölkənin qərb sahillərində qəzaya uğrayaraq batan kiçik səyahət gəmisində olan sərnişinlərinin və ekipaj üzvlərinin axtarışını davam etdirir. AZƏRTAC Euronews telekanalına istinadla xəbər verir ki, son məlumata görə hadisə nəticəsində 5 nəfər həlak olub, 9 nəfər xilas edilib.
Göyərtəsində 27 nəfərin olduğu “Leviafan II” gəmisi Vankuver adasındakı Tofino limanından səyahətə çıxıb və Varqas adası yaxınlığında qəzaya uğrayıb. Gəminin balinalar üzərində müşahidə aparmaq üçün səyahətlər təşkil edən kompaniyaya aid olduğu bildirilir.Qəzanın baş vermə səbəbləri hələ ki, məlum deyil. Gəminin balina tərəfindən aşırılması ehtimalı da istisna olunmur.
