Hindistanın baş naziri Narendra Modi Moskvaya uçuşundan əvvəl “dostu, Rusiya prezidenti Vladimir Putinlə” görüşməyi səbirsizliklə gözlədiyini söylədi.

Qaziler.az bildirir ki, bu barədə "izvestiya" yazıb.

"Mən dostum, prezident Vladimir Putinlə ikitərəfli əməkdaşlığın bütün aspektlərini nəzərdən keçirməyi və müxtəlif regional və qlobal problemlərə dair fikirləri bölüşməyi səbirsizliklə gözləyirəm", - deyib.

Modi X (keçmiş Twitter) sosial şəbəkəsindəki səhifəsində yazıb ki, yaxın üç gün ərzində o, Rusiya Federasiyası və Avstriyada olacaq. Onun sözlərinə görə, bu səfərlər “Hindistanın zamanın sınağından keçmiş dostluğu olan” ölkələrlə əlaqələri dərinləşdirmək üçün yaxşı fürsət olacaq. Baş nazir həmçinin bu dövlətlərdə  yaşayan hind icması ilə qarşılıqlı əlaqə qurmaq arzusunda olduğunu bildirib.

Modinin Rusiyaya rəsmi səfəri iyulun 8-9-da baş tutacaq.

QAZİLER.AZ