Respublikaçı Donald Tramp üzərində qələbə qazanacağıma əminəm və seçkiöncəsi yarışdan çıxmaq niyyətində deyiləm.

QAZÌLER.AZ  Axar.az-a istinaden xəbər verir ki, bu barədə ABŞ Prezidenti Co Bayden deyib.

Ağ Ev rəhbəri Viskonsin ştatında çıxışı zamanı D.Trampla 27 iyundakı debatla bağlı fikir bildirib:

“Deyə bilmərəm ki, bu, mənim ən yaxşı çıxışım idi, lakin o vaxtdan bəri Conun nə edəcəyi, yarışda qalıb-qalmayacağı ilə bağlı çoxlu fərziyyələr səslənir.

Budur mənim cavabım. Yarışda iştirak edirəm və yenidən qalib olmağa hazırlaşıram”, - Amerika lideri qeyd edib.

Bayden eyni zamanda bəzilərinin onu yarışdan kənarlaşdırmaq istədiyini vurğulayıb.

Qeyd edək ki, Baydenin Trampla debatda zəif çıxışı ictimai-siyasi sferada ciddi tənqidlərə səbəb olmuşdu.