Türkiyənin Diyarbəkir şəhərinin Kayapınar rayonunda İŞİD üzvlərinin cəmləşdiyi evə polis əməliyyat keçirib. Lent.az Doğan xəbər agentliyinə istinadən xəbər verir ki, səhər saatlarında təşkil edilən əməliyyat zamanı evdə cəmləşmiş terrorçular polisə müqavimət göstərib və atışma olub.
Silahlı toqquşma nəticəsində 2 polis şəhid olub, daha 2 polis əməkdaşı isə yaralanıb. Evdə olan 4 İŞİD üzvü öldürülüb.Bildirilir ki, polis əməliyyata sübh çağlarında start verib və evin ətrafı zirehli texnika ilə əhatəyə alınıb. Buna baxmayaraq, terrorçular polisin müdaxiləsinə sürətlə reaksiya veriblər və atəş açmağa başlayıblar.
