Kreml NATO baş katibinin Çindən gələn təhlükə ilə bağlı sözlərini mənfi qiymətləndirir.

Qaziler.az "izvestiya"ya istinadən bildirir ki, bunu iyulun 1-də Rusiya prezidentinin mətbuat katibi Dmitri Peskov deyib.

Kreml NATO-nun baş katibi Yens Stoltenberqin Çinin Şimali Atlantika Alyansına meydan oxuması və Avropada ən böyük münaqişənin başlanmasına təkan verməsi barədə sözlərinə mənfi münasibət bəsləyir.

Günün əvvəlində blokun lideri bildirib ki, Çin İkinci Dünya Müharibəsindən sonra Avropada ən böyük münaqişəni qızışdırır. O, NATO-nun Çinə düşmən ölkə kimi baxmadığına diqqət çəkib, lakin bu dövlətin alyansın dəyərlərinə, maraqlarına və təhlükəsizliyinə meydan oxuduğunu vurğulayıb. Bundan əlavə, baş katib Çindən Tayvana və Asiya-Sakit okean regionu (APR) ölkələrinə yayıldığı iddia edilən təhlükəni açıqlayıb.

Peskov jurnalistin Stoltenberqin sözlərini qiymətləndirmək istəyinə cavab olaraq “mənfi” deyib.

Eyni zamanda Kreml nümayəndəsi vurğulayıb ki, çinli dostlarımız özləri belə bəyanatlara  lazımi qiymət verə bilər.

QAZİLER.AZ