Moldova prezidenti Maya Sandu Avropa İttifaqına (Aİ) daxil olmaq üzrə danışıqların başlanması haqqında fərman imzalayıb.

Qaziler.az xarici mətbuata istinadən bildirir ki, Moldova lideri fərmanı iyunun 21-də imzalayıb.

“Moldova Avropa Komissiyasının bütün tövsiyələrini yerinə yetirib. Beləliklə, namizəd statusunu aldıqdan iki il sonra Moldova və Aİ arasında ilk hökumətlərarası konfrans iyunun 25-də keçiriləcək və bu, üzvlük danışıqlarının başlanğıcıolacaq”, - prezident özünün Facebook səhifəsində yazıb.

Sandu həmçinin qeyd edib ki, Baş nazirin Avropaya inteqrasiya üzrə müavini Kristina Gerasimova Kişinyov tərəfindən danışıqların rəhbəri təyin edilib.

QAZİLER.AZ