Fransanın cənub-qərbində baş verən yol qəzasında 42 nəfər ölüb. APA-nın BBC-yə istinadən verdiyi məlumata görə, Jironde regionunun Liburn şəhəri yaxınlığında yük maşını və avtobus toqquşub. Toqquşmadan sonra hər iki nəqliyyat vasitəsi yanıb.
Avtobusun əksər sərnişinləri ölüb. İlkin məlumatda deyilir ki, ölənlərin çoxu ekskursiyaya yollanan yaşlı adamlardır. Sağ qalanların təxminən 8 nəfər olduğu bildirilir. Onlardan 3-ü yaralıdır.Hadisə yerində yanğından mühafizə xidmətinin 60 əməkdaşı işləyir.
