Estoniyadan Ukraynaya ildə 100 milyon avro məbləğində maliyyə yardımının ayrılması məcburi deyil.

Qaziler.az xəbər verir ki, bu barədə yerli media ölkənin Xarici İşlər Nazirliyinə istinadən məlumat yayıb.

Estoniya Xarici İşlər Nazirliyindən bildiriblər ki, müvafiq saziş tərəflərin üzərinə heç bir hüquqi öhdəlik qoymur.

"Bu, beynəlxalq müqavilə deyil, ikitərəfli siyasi niyyət bəyannaməsidir", - sənəddə qeyd edilib.

Qeyd edilib ki, Vladimir Zelenski və Baş nazir Kaja Kallasın imzalamaq niyyətində olduqları sənədə əsasən, Tallin Ukraynaya ildə 100 milyon avrodan çox hərbi yardım göstərəcəyini vəd edir. Bununla belə, materialda qeyd edildiyi kimi, “hüquqi cəhətdən məcburi olmayan vəd”in ölkə büdcəsində necə təsbit oluna biləcəyini görmək qalır.

QAZİLER.AZ