Ukrayna prezidenti Vladimir Zelenski iyunun 6-da Fransaya səfər edəcək. O,  fransalı həmkarı Emmanuel Makronla görüşəcək.

RBK-Ukrayna BFMTV-yə istinadən xəbər verir ki, bu barədə Yelisey sarayının bəyanatında deyilir.

İyunun 7-də Ukrayna dövlətinin başçısı Yelisey sarayında fransalı həmkarı ilə görüşəcək.

"Rusiyanın cəbhə xəttində və enerji infrastrukturuna hücumlarının davamlı olaraq gücləndiyi bir vaxtda iki prezident yerlərdə vəziyyəti və Ukraynanın ehtiyaclarını müzakirə edəcəklər", - Makron bildirib.

Yelisey Sarayı əlavə edib ki, bu görüş fevralın 26-da Parisdə keçirilən Ukraynaya dəstək konfransının davamı olacaq. 

Həmçinin cümə günü, iyunun 7-də Zelenskinin Fransa Milli Assambleyasında (parlamentin aşağı palatası) çıxışı gözlənilir. O, Milli Assambleyanın rəhbəri Yael Braun-Pivetlə də görüşəcək.

QAZİLER.AZ